))
Go o i No Go
Manage episode 444703382 series 3311992
A tartalmat a Ryan biztosítja. Az összes podcast-tartalmat, beleértve az epizódokat, grafikákat és podcast-leírásokat, közvetlenül a Ryan vagy a podcast platform partnere tölti fel és biztosítja. Ha úgy gondolja, hogy valaki az Ön engedélye nélkül használja fel a szerzői joggal védett művét, kövesse az itt leírt folyamatot https://hu.player.fm/legal.
Ritim: Aposel 21:7-14
Mipela i lukim olsem Pol i strong long i go, olsem na mipela i no traim moa long senisim tingting bilong en. Mipela i tok, “Samting Bikpela i laik bai i kamap, em i ken kamap.” – Apo- sel 21:14
Aposel Pol i wokabaut i go long Jerusalem. Em i save olsem em bai i bungim planti hevi long hap, tasol em i no klia olgeta long wanem samting God bai i mekim kamap long laip bilong em. “Orait harim. Nau Holi Spirit tasol i mekim na mi mas i go long Jerusalem. Wanem samting bai i kamap long mi long Jerusalem, em mi no save. Dispela tasol mi save. Long olgeta ples mi go long en, Holi Spirit i save autim tok long mi olsem, kalabus na planti hevi i wetim mi” (Aposel 20:22-23).
Ol poroman bilong Pol i wok hat tru long senisim tingting bilong em. Tasol ol i no inap. Em i strong long i go. Em i gat laik long go long Jerusalem bikos em i save olsem dispela em i laik bilong God.
Na ol pren bilong em i tok, “Samting Bikpela i laik bai i kamap, em i ken kamap.” I luk olsem taim Pol i strong moa yet long bihainim laik bilong God, ol pren bilong em i tok, “Maski, larim em i go.”
Tasol Pol i redi olgeta long bihainim laik bilong God. Spirit bilong God i autim tok long em, na strongim em. Na dispela i ken kirapim tingting bilong yumi i go long Masta bilong Pol, Jisas Krais. Ol pren bilong Jisas tu i laik pasim em long go long Jerusalem. Jisas tu em i save long wanem samting bai i kamap long em: “... na ol bai i givim Pikinini bilong Man long han bilong ol bikpris na ol saveman bilong lo. Na bai ol i mekim kot long em na pasim tok long kilim em i dai. Na bai ol i givim em long ol man bilong ol arapela lain. Na ol dispela man bai i tok bilas long em na spetim em na wipim em na kilim em i dai” (Mak 10:33-34). Na dispela wanpela Spirit i tokim Pol, i bin tokim Jisas tu long em i mas i go long Jerusalem. Maski ol pren i tambuim em long go, Jisas, “i pasim tingting strong long em i mas i go long Jerusalem” (Luk 9:52).
Pol i bihainim lek mak bilong Jisas. Em i lainim pasin bilong bihainim laik bilong God long tisa bilong em. Wankain olsem Jisas, Pol i mas redi long daunim laik bilong em yet na aninit long gutpela na stretpela laik bilong God.
Taim ol man o meri i wok long bihainim laik bilong God, ol pren bilong i no ken wok long pasim ol o tambuim ol. Taim yumi klia olsem em i samting bilong bihainim laik bilong God, orait em i taim long prea, “Mipela i mas bihainim laik bilong yu.”
SAMPELA TINGTING
Taim yu prea, “Mipela i mas bihainim laik bilong yu,” yu redi olgeta long bihainim laik bilong God?
540 epizódok
Megosztás
