))
Episod 27: Raffaella Campobasso X Musée des Mines
Manage episode 430786739 series 3475167
A tartalmat a Minett UNESCO Biosphere, IK-CNCI & MUAR, Minett UNESCO Biosphere, and MUAR biztosítja. Az összes podcast-tartalmat, beleértve az epizódokat, grafikákat és podcast-leírásokat, közvetlenül a Minett UNESCO Biosphere, IK-CNCI & MUAR, Minett UNESCO Biosphere, and MUAR vagy a podcast platform partnere tölti fel és biztosítja. Ha úgy gondolja, hogy valaki az Ön engedélye nélkül használja fel a szerzői joggal védett művét, kövesse az itt leírt folyamatot https://hu.player.fm/legal.
Op engem waarme Summerdag ass de Musée des Mines zu Rëmeleng déi richteg Plaz fir sech natierlech z’erfrëschen. Konstant 11 Grad ware fréier och den deegleche Begleeder vun de Mineuren, déi an der Minn Walert de Minett aus dem Buedem geholl hunn. Genee dee Setting hu mer eis fir de Juli Episod vum Minett Mash-Up erausgesicht.
70 Meter ënnert dem Buedem hate mer Rendez-vous mat eiser Gespréichspartnerin vun dësem Mount, der Chargée de direction vum Musée des Mines: Raffaella Campobasso.
Eise Gaascht: Raffaella Campobasso
D‘Raffaella steet eis dës Kéier Ried an Äntwert. No hirem Studium vun der Konschtgeschicht ass si vun Italien op Lëtzebuerg komm an huet hir Aufgab am Domaine vun der Industriekultur an der industrieller Geschicht fonnt. Zënter 2019 steet si un der Spëtzt vum Minnemusée, deen 1973 seng Dieren opgemaach huet.
Mam Raffaella Campobasso schwätze mer iwwert de Minnemusée, déi deeglech Gestioun, d’Erausfuerderunge vun der Digitaliséierung an den Alldag vun de Mineuren, déi an der Minière Walert geschafft hunn. E weidere Sujet ass déi touristesch Bedeitung vum Musée, deen zu engem vun de wichtegsten Attraktioune vum Süde gehéiert.
Eis Minett-Location vum Mount: Musée National des Mines de Fer
An der fréierer Minière „Walert“ zu Rëmeleng fënnt een haut de Musée des Mines. Nodeems dës Minière 1963 zougemaach gouf, huet et 10 Joer gedauert, éier aus der Minn e Musée gouf.
Am Musée gëtt d’Entwécklung vum Biergbau zu Lëtzebuerg vun der Mëtt vum 19. Joerhonnert bis an déi zweet Hallschent vun dem 20. Joerhonnert gewisen. Artefakten, Maschinnen an Archivdokumenter ginn dem Visiteur, op enger ronn 2 Stonne laanger Visite guidée en Abléck an d’Aarbecht vun de Mineuren.
De Minett Mash-Up ass eng gemeinsam Initiativ vun der Minett UNESCO Biosphere, dem IK-CNCI (Centre National de la Culture Industrielle) an dem MUAR (Musée vun der Aarbecht).
Déi komplett Shownotes vun dësem Episod, mat all de Links an Informatiounen, esou wéi all déi aner Minett Mash-Up Podcasts fannt dir op:
https://bit.ly/mmu_season2
Followed eis op Instagram
30 epizódok
Megosztás
