S03E10 - Mês da mulher no terror #1

Mal de Olho

Atravessamos o equador de fevereiro e finalmente começamos o mês da mulher no terror. Iniciamos esta série com três filmes dirigidos por realizadoras, elemento que será umha constante nas próximas semanas e que pretende reivindicar o seu papel num mundo e num género dominado pola presença masculina. O primeiro é Titane (2021), o trabalho de Julia Ducornau que venceu em Cannes e que deixou todo o mundo com cara de confusom. Este filme francês narra a ligaçom esquisita que se estabelece entre umha dançarina homicida e um chefe de bombeiros com crise de idade que perdeu um filho há anos. Parafilias abraiantes, violência, transumanismo, transgressões do género e reanimações a ritmo da Macarena. Tem tudo. Continuamos com Saint Maud (2019) de Rose Glass; filme de A24 not so elevated. Este intento de redençom de umha artista em fase terminal por parte de umha enfermeira integrista totalmente perturbada já mereceu algumha recomendaçom em programas passados. Acabamos com Dans ma peau, filme francês de 2002. Nele, Marina de Van explica-nos como Esther (interpretada pola própria diretora), apesar de gozar de umha vida ideal, vai perdendo a razom logo de sofrer um pequeno acidente. No seu progressivo isolamento, desenvolve umha macabra atraçom pola sua pele.