))
Onkundige en Dom Gedrag
Manage episode 452709750 series 3072738
A tartalmat a Jokkie Gauché on behalf of Berni Dymet biztosítja. Az összes podcast-tartalmat, beleértve az epizódokat, grafikákat és podcast-leírásokat, közvetlenül a Jokkie Gauché on behalf of Berni Dymet vagy a podcast platform partnere tölti fel és biztosítja. Ha úgy gondolja, hogy valaki az Ön engedélye nélkül használja fel a szerzői joggal védett művét, kövesse az itt leírt folyamatot https://hu.player.fm/legal.
Psalm 73:21,22 Ek was verbitterd in my hart en verskeurd in my binneste. Ek was dwaas en onnosel; ek was dom soos ’n dier voor U. (NLV)
Het jy al ooit 'n ballon met 'n naald geprik? Een oomblik is dit hierdie pragtige rooi ballon wat deur die lug dryf. Die volgende oomblik, hoor jy ‘n harde slag! En daar lê ‘n slap, lewelose stukkie plastiek op die grond.
Ek het dikwels al gesien dat swaarkry erger voel, wanneer dit onverwags kom, net wanneer alles vir so ‘n ruk so goed gegaan het dat jy gedink het jy is onaantasbaar. Dit voel skielik vir jou asof jou pragtige rooi ballon deur 'n naald geprik word. Met ‘n knal verander jou lewe in ‘n oogwink, van daardie … tot hierdie. En al wat nodig was, was die kleinste speldeprik.
So, daar is jy, slap en leweloos op die vloer, en nou begin jy nadink oor wat gebeur het, hoekom dit gebeur het, wat kon anderster gewees het, as dit nie gebeur het nie. Wanneer laas het jou hoop en drome so ineengestort? Hoe het dit jou laat voel?
Die waarheid is, dat as jy daardie negatiewe gevoelens omhels, dit 'n verskriklike uitwerking op jou kan hê.
Psalm 73:21,22 Ek was verbitterd in my hart en verskeurd in my binneste. Ek was dwaas en onnosel; ek was dom soos ’n dier voor U. (NLV)
As jy bly terugdink aan die teleurstelling van dít wat pas gebeur het en daardie gevoel van die speldeprik in jou hart vertroetel, raak jou siel verbitterd. En, laat ons eerlik wees, wanneer ons in daardie toestand is, begin ons ongesond, onredelik optree - op 'n onkundige, aggressiewe, dierlike manier.
Moenie dat die trauma van die slegte dinge wat langs die pad met jou gebeur het, jou bitter maak nie. Dit is net nie die moeite werd nie!
Dit is God se Woord. Vars … vir jou … vandag.
1431 epizódok
Megosztás
